أوجـــه الشبه بيــن محمد عدوية وعمرو دياب

بسم الله الرحمن الرحيم

اللي كان كاتب التقرير او الموضوع ده

صحفي فني أسمه / رشيد

بس مش فاكر رشيد ايه عشان الموضوع ده كان عندي من حوالي سنة ونص

أوجه الشبه بين محمد عدوية وعمرو دياب

انا مش عايز اعمل اطلاقا اى مقارنه من اى نوع بين عمرو دياب وبين محمد عدويه ، لانى كده فعلا هظلم محمد عدويه بمقارنه هو مش قدها خالص ، وفى نفس الوقت يبقى انا برضو ماعرفش مين هو عمرو دياب اللى مستحيل تقارنه باى مطرب مهما كان
عشان كده الموضوع ده مش مقارنه خالص ، نقدر نقول عليه اوجه تشابه انا شايفها فى محمد عدويه وكانت موجوده فى عمرو دياب فى مراحله الاولى من الغناء والحاجات دى اللى هى وصلت عمرو دياب للمكان اللى هو فيه حاليا
وزى ماكان عبد الحليم حافظ رائد الفتره السابقه ، وعمرو دياب رائد الفتره الحاليه ، من وجهه نظرى الشخصيه شايف ان محمد عدويه رائد الفتره القادمه ، وفعلا شايف اكتر مطرب متواجد حاليا يصلح للمكانه دى ، بس طبعا الكلام ده مش هيحصل فى ظل وجود عمرو دياب ، ربنا يدى لعمرو طوله العمر انشاء الله

حاجات كتير جدا هى اللى خلتنى اشوف محمد عدويه بيشبه عمرو دياب ، لان عدويه الى حد كبير جدا بيستخدم نفس الاساليب اللى استخدمها عمرو دياب فى بداياته ومشى بنفس الاساليب دى ، وفى فرق كبير انك تقلد مطرب ، وانك تقلد الاساليب اللى كان بيستخدمها المطرب ده وادت لنجاحه ، وعلى فكره ده الفرق القائم بين محمد عدويه ومحمد حماقى حاليا ، مع الوضع فى الاعتبار ان هما دول الاتنين من جيل الشباب اللى بعتبرهم بيغنوا فعلا فى الوقت الحالى وان كان معظمنا عنده انتقادات كتير على حماقى لكن ماحدش فينا ينكر انه فعلا مشروع مطرب ناجح بس محتاج يفكر شويا

محمد حماقى يعتبر طلع غنا تقريبا بنفس شكل عمرو دياب ، وده فى حد ذاته حاجه كويسه انه قدر يجيب اغانى بعض الناس شافتها قريبه من الاغانى اللى بيستخدمها عمرو دياب ، ده كويس اه وينجح البوم لكن مايبنيش مطرب ممكن يكون النجم القادم فى عالم الغناء لانه يعتبر مالوش بصمه خاصه بيه ، يعنى بالظبط من فتره الناس كانت بتقول تامر حسنى النجم القادم ، ورجعت بعد كده بتقول حماقى ، طب فين تامر حسنى بقى ؟!! عشان كده بقول حماقى وتامر البوماتهم نجحت لكن مالهومش بصمه واضحه تحمل اساميهم فى الاعمال اللى بيقدموها ، مع الوضع فى الاعتبار برضو الفرق بين حماقى وتامر

عكس الكلام اللى فات ده كله تلاقيه موجود فى محمد عدويه ، اهتمامه الغير عادى والعبقرى بالمزيكا ، استخدامه لانواع موسيقيه جديده علينا ودمجها بمزيكات اخرى زى ماعمل فى اغنيه ضميره لما مزج المزيكا الغربيه بدخلات شرقيه غايه فى الروعه وايضا اغنيه بتخبى ليه ، اللى ابدع فيها الصراحه نادر حمدى على البيانو ودى ميزه فى عدويه انه بيقدر يوظف كل واحد بيشتغل معاه صح وعلى اد الامكانيات الموجوده فيه ،، الجرأه ، ودى اهم سمه كانت موجوده ومازلت فى عمرو دياب ، وتحس فعلا ان الاتنين فاهمين مزيكا صح ومواكبين التطور الموسيقى اللى بيحصل فى العالم كله ، مش معتمدين اعتمادهم الكلى على دور الموزعين فقط ، من الاخر كده عندهم تذوق موسيقى عالى جدا مش موجود للاسف عند مطربين كتير

حتى الكلمات من محمد عدويه لو تلاحظها هتلاقيها مختلفه تماما عن الكلمات الموجوده حاليا فى السوق واللى استهلكت بشكل كبير جدا زى دعوه ام ، نوعيه الاغانى دى بتفكرنى باغانى عمرو دياب زمان زى ( واربى الباب وعدى ، عدى القلب عدى ، عدى من سكات قلبى دار امان ) من اغنيه عينى منك فى البوم خالصين ، واستخدامه لقصص اغانى جريئه زى اغنيه حكايه روح وده كان موجود زمان فى عمرو دياب لما قدم قصه جريئه وجديده فى اغنيه ورجعت من السفر وغيرهم من الاغانى

كمان التشابه الموجود بينهم فى التلحين واللى خلى عمرو دياب يعجب بلحن عدويه فى اغنيه انا دلوقتى ، محمد عدويه فعلا بيقدم الحان جميله جدا وانا دلوقتى بعتبرها من الاغانى القليله اللى قدرت تكتشف مناطق جديده موجوده فى صوت عمرو دياب وعلى فكره انا اكتر ملحن بحس انه بيقدر يكتشف المناطق دى فى صوت عمرو دياب هوه عمرو دياب نفسه وده كان واضح جدا فى لحنه لتنسى واحده ، واغانى تانيه كتير

بحس فى الحان عدويه وعمرو دياب ( مع الفارق طبعا ) ان الحانهم بتلعب على مقامات غريبه جدا وصعب جدا اى ملحن يستخدمها الا لو كان فعلا متمكن من نفسه

كمان نقطه الاعتماد على وجوه جديده ومختلفه تماما عم الموجوده فى السحه سواء فى الكلمات او التلحين او التوزيع ، ودى طبعا من اهم اسمات اللى كان عمرو دياب بيتميز بيها واكتشف من خلالها العديد والعديد من الكتاب والملحنين والموزعين يعتبروا دلوقتى من اعمده الاغنيه

انا لما سمعت الالبوم الاول لعدويه عاجبنى جدا جدا ، بس قولت استحاله يستمر بالاسلوب ده وقولت اكيد الالبوم ده طفره وجت معاه صدفه ، لحد مانزل الالبوم التانى ليه وسمعته ولقيت الشغل العبقرى اللى فيه واللى بعتبره فعلا تحفه 2006 لحد النهارده ، قولت اكيد دى مش صدفه ، لا اكيد اراجل ده فاهم فعلا هو بيعمل ايه وفعلا عايز يقدم حاجه جديده ويحفر اسمه مع عمالقاه الفن

حاجات كتير واوجه شبه كتيره جدا انا شايفها بين محمد عدويه حاليا وبين عمرو دياب من 15 سنه تقريبا
عشان كده انا فعلا شايف ان محمد عدويه هو نجم الغناء القادم ، Smile

بعد عمر طويل انشاء الله لعمرو دياب

--------------------------------------------------------------------------------

والله حبيبي والله قلبي بيحبك والله نفسي اعيشلك والله وأموت في عينيك

MOHAMED ADAWYA = VOICE OF LOVE

merci bgad 3almawdoo3 elgamed da Smile

l2 shoghl gamed estamerr

موضوع: hey الخميس أغسطس 02, 2007 7:58 pm

اولا شكرا جدا على الموضوع ده
على فكرة الافكار اللى فى الموضوع مية مية وفعلا انا كنت لسه هكتب عن الحكاية دى فعلا عدوية هو ممكن يكون النجم القادم لانه مهتم بموسيقته جدا وعامل فيها شغل جامد
بس انا عايز اعتب عليك فى حاجة انت كل اما بتكلم على عدوية وعمرو تقول مع ملاحظة الفرق
ليه على فكرة الفنان مش بقادميته بفنه ممكن عدوية يوصل لعمرو فى يوم لكن مش كل حاجة تحسسنى ان عدوية بالنسبة لعمرو ولا حاجة

yes ya ahmed wana metef2a m3ak fe keda mohamed ye2dar eno y3mel add ely 3amalo amr we aktar kaman ana 3an nafsy bahb sot mohamed aktar we moahmed a3ndo emkanyat fe soto aktar we dmaghy bt3gbny awy